Oculus Rift 0 : 1 “მუყაოს ყუთი”

Oculus Rift 0 : 1 “მუყაოს ყუთი”

2012 წელს ყველა Kickstarter-ის გული დაიპყრო აპარატმა, სახელად Oculus Rift – ვირტუალური რეალობის სათვალემ, რომელიც საშუალებას გვაძლევს თავი თამაშში ვიგრძნოთ. მისი ფასი 300-350$-ია და იმხელა ინტერესს იწვევს, რომ კომპანია Facebook-მა მთელი პარტია შეიძინა და ჯამურად დაახლოებით 2 მილიარდი დოლარი გადაიხადა. ამ მოვლენამ სხვა კომპანიებიც დააინტერესა და 2014 წლის 18 მარტს Sony-მ “მორფეუსი” დააანონსა – ხელსაწყო, რომელიც ძალიან ჰგავს ოკულუსს. ტექნოლოგიების შეჯიბრი კომპანიებს შორის, რა თქმა უნდა, სრულყოფილი ვერ იქნებოდა, Google რომ არ ჩარეულიყო. ამ ტექნოლოგიების გიგანტმა I/O კონფერენციაზე “მუყაოს ყუთი” წარადგინა.

პირველი ელექტრონული ჰარლი-დევიდსონი

პირველი ელექტრონული ჰარლი-დევიდსონი

ფართო გზა, ამერიკული ხედები, თავისუფლება და, რა თქმა უნდა, ბენზინის ”მსმელი” ჰარლი-დევიდსონი. ეს კომბინაცია ამერიკულ ოცნებასთან 1903 წლიდან, მოტოციკლების კომპანიის დაარსებიდან ასოცირდება. არც ერთი თავმოყვარე ამერიკელი ბაიკერი არ გეტყვით, რომ დუკატი ჰყავს. ამერიკელებისთვის ჰარლი-დევიდსონი რელიგიაა.

Amazon Fire

Amazon Fire

სმარტფონების ბაზარზე ახალთახალი ტელეფონი გამოჩნდა. ამაზონის პირველი მცდელობა, სმარტფონი გაეკეთებინა, ერთი შეხედვით, საკმაოდ წარმატებული გამოდგა – 4.7 დიუმიანი ტელეფონი შავი კორპუსით, 720p ეკრანით, სწრაფი 13 მეგაპიქსელიანი კამერითა და საკმარისი საპროცესორო ძალით. ბუნებრივია, რომ საოპერაციო სისტემად ”ამაზონმა” იგივე აირჩია, რაც kindle fire-ზე, “Fire OS” – ანდროიდის მოდიფიკაცია, რომელსაც კომპანი, უკვე რამდენიმე წელია, იყენებს.

ერთი შეხედვით სტანდარტული მოცემულობაა, თუმცა ”ამაზონი” ჯერ ისევ ახერხებს ჩვენს გაოცებას: FirePhone-ის ინტერფეისი იცვლება იმის მიხედვით, თუ საიდან უყურებთ ეკრანს. “დინამიური პერსპექტივა” საშუალებას გვაძლევს სხვადასხვა აპლიკაციებში დავინახოთ სამგანზომილებიანი სიღრმე, მაგალითად, დავათვალიეროთ თამაშების ტური.  გარდა ამისა, სხვადასხვა მენიუში შესაძლებელია ტელეფონის მოძრაობით შესვლა. ეს ფუნქცია, რა თქმა უნდა,  დიდი ვერაფერია LG-ისა და Samsung-ის ტელეფონებში,  ”ამაზონი” კი აქსელერომეტრის ნაცვლად ტელეფონის კუთხეებში დაყენებულ 4 კამერას იყენებს.  

ილონ მასკი: ”ყველა ჩვენი პატენტი თქვენ გეკუთვნით”.

ილონ მასკი: ”ყველა ჩვენი პატენტი თქვენ გეკუთვნით”.

”გუშინ, “პალო ალტოს” სათაო ოფისში ტესლას პატენტების კედელი იყო გამოტანილი, დღეს კი აღარ არის. ისინი მოხსნეს ღია წყაროს მოძრაობის გამო, რათა ელექტრონული მანქანების ტექნოლოგია განვითარდეს”, – წერს ”ტესლა მოტორსის” დამფუძნებელი და დირექტორი, ილონ მასკი.

ის აცხადებს, რომ მისი კომპანია არ დაიცავს თავის პატენტებს სასამართლოში და მათი ტექნოლოგიების გამოყენება შეეძლება ყველას. უფრო ზუსტად, მასკს სურს, ყველა კომპანია ჩაერთოს ელექტრონული ავტომობილების წარმოებაში და ავტოწარმოება ეკოლოგიურად სუფთა საწვავზე გადავიდეს.

“ჯე-ი-რა-ნის” მეცნიერება

“ჯე-ი-რა-ნის” მეცნიერება

თუ როდისმე გითამაშიათ ეს თამაში, სტრატეგიაზეც დაფიქრდებოდით. და თქვენ არ ხართ ერთადერთი. თამაშის თეორიტიკოსები დიდი ხნის განმავლობაში განიხილავდნენ ქვის, მაკრატელისა და ქაღალდის ამ ეპიკურ ბრძოლას.

როგორც აღმოჩნდა, საუკეთესო სტრატეგია იარაღის შემთხვევითი მეთოდით არჩევაა. ხანგრძლივი თამაშის განმავლობაში ეს გვაძლევს თანაბარ შანსს, მოვიგოთ, წავაგოთ ან ფრედ დავასრულოთ ბრძოლა. როგორც წესი, ყველა ასეთი არეული ტაქტიკით თამაშობს და რამდენიმე მცირემასშტაბიანმა ექსპერიმენტმა აჩვენა, რომ ეს ტაქტიკა ბუნებრივად ვითარდება თამაშის პროცესში.

მსოფლიო ჩემპიონატის პირველი დარტყმა

მსოფლიო ჩემპიონატის პირველი დარტყმა

12 ივნისს დაიწყო ის, რასაც ყველა ელოდა ბოლო 4 წლის განმავლობაში. ბრაზილიაში 32 გუნდი ფეხბურთს ითამაშებს და 31 მათგანი იმედგაცრუებული დაბრუნდება თავის ქვეყანაში. მიუხედავად იმისა, რომ პირველი თამაში საკმაოდ საინტერესო გამოდგა, ჩვენი ყურადღება თამაშამდე, ჩემპიონატის გახსნის ერთმა მომენტმა მიიპყრო. მსოფლიო ჩემპიონატის პირველი დარტყმა პარალიზებულმა მოხალისემ შეასრულა, რომელსაც მართვადი რობოტული კოსტუმი ეცვა. ამ დარტყმისთვის მზადება დიდხანს მიმდინარეობდა. დარტყმა წელს ქვემოთ პარალიზებულმა 29 წლის ჟულიანო პინტომ ელექტროენცეფალოგრაფული ჩაფხუტის მეშვეობით შეძლო. კოსტიუმის შემქმნელთა განცხადებით, ისინი ბოლო წუთამდე მუშაობდნენ და არ იყვნენ დარწმუნებულნი პროექტის წარმატებაში, თუმცა ყველაფერმა კარგად ჩაიარა.

სიზმრები გეიმერებისთვის

სიზმრები გეიმერებისთვის

წარმოიდგინეთ, დახეტიალობთ მარტო, მიტოვებულ ციხესიმაგრეში, რომლის გარშემოც, თხრილში, ნიანგები ბინადრობენ. უეცრად ცეცხლისმფრქვეველი დრაკონი გამოგედევნათ და ჩიხში მიგიმწყვდიათ. რა ხდება მერე? გეღვიძებათ აჩქარებული სუნთქვით თუ რჩებით სიზმარში, იმარჯვებთ ხმალს და დრაკონთან სასიკვდილო ბრძოლაში ერთვებით?

თუ მეორე ვარიანტს ირჩევთ, სავარაუდოდ, გეიმერი ხართ. ასე ფიქრობს კანადის გრანტ მაკევანის უნივერსიტეტის ფსიქოლოგი, ჯეინ გაკენბაჰი.

გაკენბაჰმა ვიდეოთამაშების კვლევა 1990-იანი წლების დასაწყისში დაიწყო, როდესაც მისი შვილი ნინტენდოს ჩაუჯდა. მას აინტერესებდა, რამდენიმე საათით კომპიუტერული თამაში რა ზეგავლენას ახდენდა სიზმრებზე.

ჩვენი დროის ტონი სტარკი

ჩვენი დროის ტონი სტარკი

მას ჯერ არ აქვს რკინის კაცის კოსტიუმი… ჯერ… თუმცა რთულია, მასა და ტონი სტარკს შორის მსგავსება არ დაინახო. გამომგონებელმა, რომელმაც თავისი პირველი პროგრამა 12 წლის ასაკში 500$-ად გაყიდა, 32 წლის ასაკში PayPal-ის Ebay-სთვის მიყიდვიდან 180 მილიონი დოლარი მიიღო. მას თავისუფლად შეეძლო ამ თანხით უზრუნველად ეცხოვრა, მაგრამ ეს საინტერესო არ იქნებოდა არც მისთვის და არც ჩვენთვის. 2002 წელს მან წამოიწყო კერძო კომპანია, რომელიც მიმართულია კოსმოსური მოგზაურობისკენ – SpaceX. ერთი წლის შემდეგ კი შეიქმნა Tesla Motors, სტარტაპი, რომელიც მიზნად ისახავს აწარმოოს სრულიად ელექტრონული ავტომობილები, ის რაც ბევრმა ავტომწარმოებელმა სცადა და არ გამოუვიდა.

პროექტი “ARA”

პროექტი “ARA”

სმარტფონი ერთ-ერთი ყველაზე შთამბეჭდავი და ინტიმური ნივთია ჩვენს ცხოვრებაში. მიუხედავად ამისა, ჩვენს უმრავლესობას ცოტა რამის თქმა თუ შეუძლია, თუ როგორ მზადდება ეს მოწყობილობა, რა ფუნქციები აქვს ან როგორ გამოიყურება. 5 მილიარდ ადამიანს არ აქვს ის. რა მოხდებოდა, რომ შეგვეძლოს გონივრული არჩევანის გაკეთება, თუ რა შეეძლება თქვენს ტელეფონს, და გამოვიყენოთ ის კრეატიულ სივრცედ საკუთარი ისტორიის საამბობად?

წარმოგიდგენთ პროექტ Ara-ს.

შექმნილია ექსკლუზიურად 6 მილიარდი ადამიანისთვის”

-Google

ფეისბუქი სპამერებს დააჯარიმებს

ფეისბუქი სპამერებს დააჯარიმებს

ფეისბუქი უკვე რა ხანია ცდილობს ჩვენი ”ნიუსფიდი” მაქსიმალურად მიმზიდველი და საინტერესო გახადოს, გაფილტროს ინფორმაცია და მხოლოდ ჩვენთვის საინტერესო ამბები მოგვაწოდოს. დღეს სოციალურმა ქსელმა დაანონსა გეგმა, რომელიც დააჯარიმებს იმ ვებგვერდებს, ვინც like-ებსა და share-ებზე ნადირობს, ასევე – სპამუი ლინკებს და სურათებს.

მიუხედავად იმისა, რომ ფეისბუქური სპამი დიდწილად მეგობრების მიერ დალაიქებული/დაშეარებული კონტენტია, მომხმარებელთა უმრავლესობა, ამაში მაინც ფეისბუქს ადანაშაულებს, ამიტომაც მზრუნველმა კომპანიამ სიტუაციის გამოსწორება თავის თავზე აიღო.

„მომხმარებელთა უმრავლესობა ფეისბუქზე სპამს არ პოსტავს, ასე რომ, მათზე ცვლილებები ნეგატიურ ზეგავლენას არ იქონიებს“, – აცხადებს ფეისბუქი მარკეტერებისა და ბრენდების დასამშვიდებლად.